सन् २०१२ सेप्टेम्बर १८ मा अमेरिकी चिकित्सकहरुले एक ऐतिहासिक सफलता प्राप्त गरेका छन् ।

उनीहरुले विज्ञानमै पहिलोपटक महिलाको शरीरमा पाठेघरको सफलत प्रत्यारोपण गरेका हुन् । विश्वमा अहिलेसम्म विभिन्न मानव अंगको प्रत्यारोपण भएको भएपनि पाठेघरको प्रत्यारोपण हुन सकेको थिएन । ९ घण्टाको जटिल शल्यक्रियापछि १ महिलामा पाठेघर प्रत्यारोपण गरिएको हो ।

पाठेघर नभएकी तर गर्भाधारण गर्ने चाहना भएकी २६ वर्षीया युवतीमा डाक्टरले पाठेघर प्रत्यारोपण गरे । यो सफलतासँगै जन्मैदेखि गर्भाशय नभएका वा कारणवश गर्भाशय फ्याँक्नुपरेका महिलालाई समेत पुनः गर्भाशय प्रत्यारोपण गरी आमा बन्न सम्भव भएको डाक्टरको भनाई छ । पहिलोपटक प्रत्यारोपित गर्भाशय पूर्णरुपमा स्वस्थ रहेको र ती युवतीले सफलतापूर्वक गर्भाधारण गर्न सक्ने डाक्टरहरुको भनाई छ ।

यसरी गर्भासय प्रत्यारोपण गरेपछि महिलाले नियमित रुपमा ओखती खानुपर्छ । त्यसैले यदि महिलाले प्रत्यारोपित पाठेघरमा गर्भाधारण गरी बच्चा जन्माएपछि २–३ वर्षपछि त्यसलाई निकालेर फ्याँकिन्छ । यसो गर्दा महिलाले सधै ओखती खाइरहनु पर्दैन ।