नवजात शिशुलाई तेलले मालिस गर्नुहोस् फाइदै फाइदा
भनिन्छ नवजात शिशु काचो माटो जस्तै हो, जसलाई कुमालेले आफ्नो हातले आकार दिए जस्तै दिन सकिन्छ । हामीले गर्ने मसाजअनुसार नै बच्चाको वृद्धि विकास हुने गर्दछ । जन्मिदा लगाएको तेल बुढेसकालमा देखिन्छ भनेर ।
यहा बच्चालाई तेलले मालिस गर्दा हुने केही फाईदाहरु दिइएको छ, यो पढेपछी बच्चालाई मालिस गर्ने काम गर्न तपाईलाई उत्सुकता मिल्ने छ ।
१. आमाको आत्मियता
मालिस गर्नाले आमा र बच्चाले एकअर्कालाई राम्ररी चिन्न सक्छन् । मालिस गरिदिने मानिसप्रति नवजात शिशुको झुकाव बढ्न थाल्छ । बच्चाले मालिस गर्ने मानिसको स्पर्श महशुश गर्ने गर्दछ । यसकारण सकेसम्म आमाले नै आफ्नो नवजात शिशुलाई मालिस गर्नु आवश्यक हुन्छ ।
२. भावनाको विकास
मालिससँग नवजात शिशुको भावना पनि जोडिएको हुन्छ । तपाई शिशुलाई कसरी मालिस दिईरहनु भएको छ यसले उसको भावनाको विकासमा पनि मद्दत गर्दछ । त्यसैले सधै मायालु बनेर, शान्त वातावरणमा नझर्की शिशुलाई मसाज गर्नुहोस् ।
३.सुरक्षाको अनुभुती
मालिसले शिशुलाई न्यानो सुरक्षाको अनुभुति दिलाउँछ । मायासंगै पाएको सुरक्षाको मद्दतले निर्धक्क खेल्न वा वृद्धि विकासमा मद्दत पुग्दछ ।
४. शारिरीक बनावटको विकास
मालिसले शिशुको शारिरीक बनावटलाई केही हदसम्म मिलाउन सकिन्छ भन्ने विस्वास गर्नेगरिएको छ । हुनपनि कतिपय नवजात शिशुको नाक, कान तथा औलाहरु सिधा वा प्राकृतीक रुपमा ल्याउन तपाइले गर्ने मालीसले अत्यन्त प्रभावकारी भूमिका निर्वाह गर्दछ ।
