नेइमार अनुबन्धित क्लब पिएसजी माथि युइएफएको अनुसन्धान सुरु
नेइमारको अनुबन्ध सम्बन्ध फ्रेन्च क्लब पेरिस सेन्ट जर्मेन (पिएसजी) माथि औपचारिक रुपमा अनुसन्धान सुरु भएको छ ।
युरोपेली फुटबलको प्रशासकीय निकाय युुइएफएले खेलाडी अनुबन्धका सम्बन्धमा क्लबहरुमाथि गरिरहेको फाइनान्सियल फेयर प्ले (एफएफपी) अन्तर्गत पिएसजीमाथि अनुसन्धान सुरु गरेको हो । युइएफएले सन् २०१३ मा एफएफपी नियम लागु गरेको थियो ।
उक्त नियम अनुसार युरोपियन क्लबले खेलाडी किन्न तथा अरु कामका लागि गरिने खर्च आफ्नो आम्दानीसँग ब्यालेन्स मिलाएर गर्नुपर्छ । पिएसजीले यो सिजन नेइमारलाई विश्व कीर्तिमानी मूल्य २० करोड पाउण्डमा बार्सिलोनाबाट क्लब भित्र्याएको छ ।
यो यसअघिको विश्व कीर्तिमान भन्दा दोब्बर भन्दा पनि बढी हो । यस्तै केलियन एमबाप्पेलाई पनि महंगो मूल्यमा भित्र्याएको छ ।
पिएसजीले गएको सिजनमा ३८ करोड ९६ लाख पाउण्ड आए गरेको पछिल्लो तथ्यांक छ । पिएसजीले यो सिजन खेलाडी अनुबन्ध गर्दा एफएफपी नियम उल्लंघन गरेको हुन सक्ने देखिएकाले युइएफएले अनुसन्धान सुरु गरेको हो ।
psg football
