काठमाडौं । प्रहरी र आपराधिक समुहबीच शुक्रबार साँझ काठमाडौैको पेप्सीकोलास्थित मनहरा खोलाको पुलमा गोली हानाहान भएको छ । 

गुण्डा नाइके मिलन चक्रे भनिने राजीव गुरुङका दाहिने हात मानिएका रामेश्वर गौतमले प्रहरी टोलीमाथि गोली चलाएपछि प्रहरीले जवाफी गोली चलाएको हो । प्रहरी टोली गौतमलाई पक्राउ गर्न गएको थियो ।

प्रहरीले गौतममाथि तीन राउन्ड गोली चलाएको थियोमा एक गाोलीमात्र लागेको छ । गौतमको दाहिने गोडामा गोली लागेको र वीर अस्पतालमा उपचार भइरहेको छ ।