काठमाडौं । प्राकृतिक विपत्ति, प्रजातन्त्र प्राप्ति तथा राष्ट्रिय स्वाधीनताका क्रममा देवावसान ज्ञात अज्ञात मृतात्माको चिरशान्ति, राष्ट्र शान्ति, विश्व कल्याण एवं विश्वको एकमात्र हिन्दू राष्ट्र पुनस्र्थापनाको कामना गर्दै हरिद्वारदेखि पशुपतिनाथसम्मको तीर्थयात्रा हालै सम्पन्न भएको छ ।

तीर्थयात्राका क्रममा गंगा, जमुना, सरस्वती, कावेरी, नर्मदा चार धाम र नेपालका महाकाली, सेती, कर्णाली, भेरी, राप्ती, नारायणी, बागमतीलगायत पवित्र नदीहरुको जलबाट भगवान पशुपतिनाथको अभिषेक पनि गरिएको छ ।

राष्ट्रिय एकता अभियान, राष्ट्रिय एकता अभियान प्रवासी संगठन, सारथी सृजनशील समाज नेपालद्वारा सञ्चालित अन्तर्राष्ट्रिय हिन्दू जनजागरण गौरक्षा अभियानको संयुक्त प्रयासमा यस्तो कार्यक्रम सम्पन्न भएको हो ।

भगवान पशुपतिनाथलाई गरिएको जलाभिषेकमा पूर्वप्रधानमन्त्री लोकेन्द्रबहादुर चन्द, मन्त्रिपरिषदका पूर्वअध्यक्ष खिलराज रेग्मीलगायतको सहभागीता थियो ।