काठमाडौं । नेपालको चर्चित गायन रियालिटी सो नेपाल आइडल केही समययता धेरै विवादमा तानियो । अघिल्लो हप्ता दर्शकको भोट खेर गएको भन्दै विरोध भएपछि यो हप्ता दर्शकले आफ्नो मन पर्ने प्रतियोगीलाई भोट गर्दा शुल्क नलाग्ने प्रबन्ध गराइएको छ ।

आफ्नो आधिकारिक फेसबुक पेजमार्फत जानकारी दिदैँ नेपाल आइडलले पहिलाकै एसएमएस भोटिङ र एपमार्फत निःशुल्क भोट गर्न सकिने बताइएको हो । आयोजाका अनुासर, आफूलाई भोट गर्न मन लागेका प्रतियोगीलाई नेपाल आइडलको एप डाउनलोड गरेर ५ वटासम्म भोट गर्न सकिने बताएको छ । यसका साथै भएका गुनाशाहरु पनि सभ्य भाषामा व्यक्त गर्न सकिनेछ ।

यो हप्ता बाँकी रहेका चारजना प्रतियोगीमध्ये एकजना प्रतियोगी बाहिरिएपछि असोज ६ गते नेपालको पहिलो आइडल छानिने छ । कतारमा हुन गइरहेको ग्राण्ड फिनालेमा विभिन्न कलाकारहरु पनि सारिक रहने बताइएको छ ।