स्पेनिस ला लिगामा अन्तर्गत शनिबार भएको खेलमा लेभान्टेले रियल मड्रिडलाई बराबरीमा रोकेको छ ।

मड्रिडको घरेलु मैदानमा भएको खेलमा मड्रिड लेभान्टेसँग १–१ को बराबरी रोकिएको हो । खेलको १२ औं मिनेटमा इभि लोपेजले लेभान्टेका लागि सुरुवाति अग्रता दिलाएका थिए । तर ३६ औं मिनेटमा लुकास भाज्क्वेजले गोल गर्दै मड्रिडलाई घरेलु मैदानको हारबाट जोगाए ।

स्टार स्ट्राइकर क्रिष्टियानाे राेनाल्डाे बिना मैदानमा उत्रेकाे मड्रिडले दोस्रो हाफमा पाएको मौकाहरुलाई गोलमा परिणत गर्न नसक्दा खेल बराबरीमा रोकियो । स्पेनिस सुपर कप अन्तर्गत पहिलो लेगमा पाएको रातो कार्ड तथा त्यसपछि रेफ्रीलाई गरेको व्यवहारका कारण स्टार स्ट्राइकर क्रिष्टियानो रोनाल्डोमाथि पाँच खेलको प्रतिबन्ध लागेको छ ।

खेलको ९० औं मिनेटमा मड्रिडका मार्सेलोले रेड कार्ड पाएका थिए ।