नेपाली फिल्म ‘मंगलम’को रिलिज डेट फेरि सरेको छ । केहीदिन देखि लगातार भएको वितरक कम्पनीसँगको छलफलपछि निर्माता छविराज ओझाले ‘मंगलम’लाई फागुन २५ गते प्रदर्शनमा ल्याउने निधो गरेका हुन् ।

यसअघि फिल्मले फिक्स गरेको फागुन ४ मा ‘कान्छी’ र एक हप्ता अगाडि माघ २६ गते युवा स्टार अनमोल केसी अभिनीत फिल्म ‘कृ’ प्रदर्शनमा आउने भएपछि निर्माता ओझाले फागुन २५ गते रोजेका हुन् । ‘मंगलम’ सरेसँगै अब फागुन ४ मा श्वेता खड्काको ‘कान्छी’ सोलो रिलिज हुने भएको छ ।

फागुन ४ अघि ‘मंगलम’ असोज ११ गते फिल्म ‘छक्का पञ्जा २’ का लागि पनि पछि हट्न बाध्य भएको थियो । यस्तै, एफडी कम्पनी र निर्माता ओझाबीच फागुन २५ गते एफडी कम्पनीबाट अन्य कुनै पनि फिल्म प्रदर्शन नगर्ने लिखित सम्झौता समेत भएको छ ।

नायिका शिल्पा पोख्रेल प्रस्तुतकर्ता रहेको फिल्म ‘मंगलम’का कार्यकारी निर्माता छविराज ओझा हुन् । फिल्मलाई नवल नेपालले निर्देशन गरेका हुन् । फिल्ममा शिल्पा र पुष्पका अलावा पृथ्वीराज प्रसाई, नीर शाह, मिथिला शर्मा लगायतका कलाकारहरुको मुख्य भूमिका छ । यो फिल्ममा नायिका साम्राज्ञी राज्यलक्ष्मी शाहको पनि अभिनय छ ।

mangalam