काठमाडौं । डा. गोविन्द केसीलाई पक्राउ गरिएको दोस्रो दिन बुधबार पनि दिन भर उनका समर्थकले माइतीघर मण्डला तताए । हजारौँको संख्यामा उपस्थित केसीका समर्थकहरुले प्रधानन्यायाधीश गोपाल पराजुलीको राजीनामा माग गर्दै नारावाजी गरेका थिए ।

नागरिक अभियन्ता केसीको रिहाइ गर्नपर्ने उनीहरुको निःशर्त माग थियो ।

नयाँ शक्ति पार्टी, विवेकशील साझा पार्टीलगायतको सयुक्त आयोजनामा गरिएको उक्त प्रदर्शनमा केसी समर्थकहरु प्रधानन्यायाधीश पराजुलीविरुद्ध आक्रोशित थिए ।

‘चारैतिर प्रष्ट छ गोपाल पराजुली भ्रष्ट छ’, ‘म पनि जीकेसी, मलाई पनि जेलमा’, ‘दुईवटा नागरिकता कसको एसएलसी फेल गोपाल पराजुलीको’ लगायतका नारा लगाएर उनीहरुले विरोध जनाएका थिए ।