मुम्बर्इ। बलिउड सुपरस्टार सलमान खानको ब्लकबस्टर हिट ‘टाइगर जिंदा है’ ले एेतिहासिक सफलता प्राप्त गर्दै नयाँ रेकर्ड बनाएको छ ।

२२ डिसेम्बर २०१७ मा रिलिज भएको उक्त फिल्मले रिलिज भएको १६ दिनमै सबैभन्दा धेरै कमाइ गर्ने बलिउड फिल्म बन्न सफल भएको हो । फिल्म ३०० करोडको क्लबमा सामेल भइसकेको छ भने यसअघिको सलमानको आफ्नै फिल्मको रेकर्ड पनि तोडेको छ।

फिल्म ‘सुल्तान’ र ‘बजरंगी भाईजान’ ले बक्स अफिसमा क्रमश ३००.४५ र ३२०.३४ करोडको कमाइ गरेको थियो ।

भारतमा मात्र नभर्इ ‘टाइगर जिंदा है’ले विदेशमा पनि राम्रो व्यापार गरेको छ । विश्वभरिको कमाइको हिसाब गर्ने हो भने १५ दिनमै फिल्मले करीब ५०० करोडको व्यापार गरिसकेको छ । भारतमा कुल ३७४ करोड कमाइ गरेको छ भने अन्य देशमा ११३ करोडभन्दा बढी कमाइ गरेको तथ्यांक देखाइएको छ ।

५०० करोडको क्लबमा हालसम्म डबिङ गरिएको हिन्दी फिल्म ‘बाहुबली-२’ मात्र थियो । विशुद्ध हिन्दी फिल्मको कुरा गर्ने हो भने ‘टाइगर जिंदा है’ को आसपास अन्य कुनै फिल्म देखिएको छैन ।

सलमान खानको यो फिल्मले अरु दुर्इ खानलार्इ पनि पछाडि छोडेको छ । आमिरको ‘धूम-३’  २८४ करोड र शाहरुखको ‘जब तक है जान’ २२ करोडको रेकर्डलार्इ फिल्मले उछिनेको हो । तर यी तीनवटै फिल्म यशराज ब्यानरको हो ।

अली अब्बासद्वारा निर्देशित ‘टाइगर जिंदा है’ सन् २०१२ मा आएको फिल्म ‘एक था टाइगर’ को सिक्वल हो । सलमानको फिसबाहेक १५० करोडमा निर्मित यो फिल्मले रिलिज भएको चौथो दिनमै लगानी उठाएको छ ।