काठमाडौं । आज माघ एक गते अर्थत मकर संक्रान्ति देशभर धुमधामका साथ मनाइएको छ । यसै अवसरमा अवसरमा काठमाडौंको टुँडीखेलमा थारु समुदायले विशेष कार्यक्रम आयोजना गरी माघी पर्व मनाएका छन् ।

कार्यक्रममा थारु संस्कृति झल्किने पहिरन, थारु परिकारलगायत विविध सांस्कृतिक कार्यक्रम आयोजना गरिएको थियो । कार्यक्रममा धेरै थारु परिकारको स्टलसमेत राखिएको थियो ।

महोत्सवमा थारु अगुवाहरुले आदिवासी जनजाति थारु समुदायको हक अधिकार अझै सुनिश्चित हुन नसकेको बताएका छन् । त्यसका लागि राज्यलाई अझै दबाव दिनुपर्ने आवश्यकता रहेको उनीहरुको भनाइ छ ।