अाइसीसी विश्व क्रिकेट लिग डिभिजन–२ मा नेपालले पहिलाे खेल अायाेजक नामिबियासँग खेल्ने भएकाे छ । 

अन्तर्राष्ट्रिय क्रिकेट परिषद (आइसीसी)ले शनिबार सार्वजनिक गरेकाे तालिकाअनुसार अागामी माघ २५ गते नेपाल र नामिबियाबीच खेल हुनेछ । 

त्यस्तै दाेस्राे खेलमा माघ २६ गते नेपालले अाेमानकाे सामना गर्नेछ । यस्तै, तेस्रो खेलमा नेपालले २८ गते युएईसँग, चौथो खेलमा २९ गते केन्यासँग र पाँचौं तथा अन्तिम खेलमा क्यानडाको सामना गर्नेछ ।

प्रतियोगिताको शीर्ष दुई स्थानमा रहने टोली जिम्बाब्वेमा आयोजना हुने एक दिवसीय विश्वकप क्रिकेट छनोट प्रतियोगिताका लागि छनाेट हुनेछन् ।

ओमान र क्यानडा डिभिजन–३ बाट बढुवा हुँदै डिभिजन–२ मा छानिँदा नेपाल, केन्या, युएई र नामिबिया शीर्ष डिभिजनबाट घटुवा भएका हुन् ।