ट्रयाक्टर पल्टिँदा २ को मृत्यु, १ घाईते
धादिङ । धादिङको गंगाजमुना गाउँपालिका– ७ बुढाथुममा ट्रयाक्टर पल्टिदाँ २ जनाको मृत्यु भएको छ भने १ जना घाईते भएका छन् ।
मृत्यु हुनेमा ट्रयाक्टरका चालक गंगाजमुना ६ बसेरीका विकास अधिकारी र सोही ठाउँका होमबहादुर श्रेष्ठ रहेको जिल्ला प्रहरी कार्यालय धादिङले जनाएको छ ।
गोरखाको आरुघाटबाट बालुवा लिएर बुढाथुम जाँदै गरेको ट्रयाक्टर राति सडकबाट २५ मिटर तल पल्टिएको थियो ।
