नेपालकी चर्चित नायिका केकी अधिकारीले पहिलो पटक निर्माण गरेको फिल्म ‘कोहलपुर एक्सप्रेस’को पहिलो गीत सार्वजनिक भएको छ । विशेष दिन अर्थात सरस्वती पुजाको अवसर पारेर गीत सार्वजनिक गरिएको हो ।

 

सार्वजनिक ‘सि.ओे.डब्लु काउ’ बोलको गीतमा राजनराज सिवाकोटीको रचना, संगीत र स्वर रहेको छ । गीतमा राजनराज र गायिका मेलिना राईको आवाज सुन्न सकिन्छ ।

 

लोक, पप र आधुनिक फ्लेबर मिश्रण गीतको भिडियोमा नायिका द्वय केकी अधिकारी र रीमा विश्वकर्मासँगै कलाकार द्वय विनोद न्यौपाने र गम्भीर विष्ट लगायत लाई देख्न सकिन्छ ।

 

फिल्ममा केकी अधिकारी, ऋचा शर्मा, प्रियंका कार्की, विनोद न्यौपाने, बुद्धि तामाङ, रबिन्द्र झा, सुजन कार्की, कुसाग्र भट्टराई लगायतको ‘कोहलपुर एक्सप्रेस’मा अभिनय रहेको छ । फिल्मलाई बिशाल भण्डारीले निर्देशन गरेका हुन् । भण्डारीले यही फिल्मबाट निर्देशनमा डेब्यु गरेका हुन् । यो फिल्म बैशाख १४ गतेबाट प्रदर्शनमा आउँदैछ ।

">

kohalpur express