काठमाडाैं । अहिलेको निकै प्रतिक्षित फिल्म ‘कान्छी’ को ट्रेलर सार्वजनिक भएको छ । मंगलवार काठमाण्डौको क्यूज हलमा आयोजना भएको कार्यक्रममा फिल्मका कलाकार र निर्माणपक्षको उपस्थितीमा ट्रेलर सार्वजनिक भएको हो । 

२ वटा गीत सार्वजनिक भएसँगै एकाएक चर्चामा आएको यो फिल्मको ट्रेलर धेरैका लागि प्रतिक्षामा रहेको थियो । ‘कान्छी’ लाई ’कोहिनूर’ का फेम निर्देशक आकाश अधिकारीले निर्देशन गरेका हुन् ।

नायिका श्वेता खड्का र नायक दयाहाङ राई फिल्मका प्रमुख कलाकारको रुपमा देख्न सकिन्छ् । यो फिल्मलाई श्वेता आफैंले निर्माण गरेकी हुन् । यो फिल्ममा अनु शाह, प्रज्जवल सुजल गिरी र तेश्रोलिङ्गी अभियान्ता भूमिका श्रेष्ठको पनि अभिनय हेर्न सकिन्छ । यो फिल्म फागुन ४ गतेबाट प्रदर्शनमा आउने छ ।

 

">