काठमाडाैं । नेपाली फिल्म ‘पन्चेबाजा’को ट्रेलर सार्वजनिक भएको छ । घनश्याम लामिछाने निर्देशित फिल्म ‘पन्चेबाजा’को ट्रेलर सार्वजनिक भएको हो । बुधबार दरबारमार्ग स्थित क्युज चलचित्र भवनमा एक कार्यक्रमका बिच ट्रेलर रिलिज गरिएको हो । 

 

ट्रेलरमा चलचित्रका कलाकार सौगात मल्ल, कर्मा, जस्मिन श्रेष्ठ, सिर्जना सुब्बा र बुद्धि तामाङ लगायत प्राय सबै अटाएका छन् । ट्रेलर हेरेर चलचित्रमा सौगात र बुद्धीको अभिनय पृथक रहेको अनुमान लगाउन सकिन्छ ।

 

फिल्ममा सौगात मल्ल, कर्मा, बुद्धि तामाङ, सिर्जना सुब्बा, जस्मिन श्रेष्ठ, प्रकाश घिमिरे, सबिन बास्तोला, प्रमिला तुलाचन, देशभक्त खनाल, युवराज भण्डारी, तेज गिरी र राजेश शाही लगायतको अभिनय हेर्न सकिन्छ ।

 

राजेश शाहीले निर्माण गरेको फिल्ममा कालीप्रसाद बास्कोटा र विकास चौधरीको संगीत दिएका छन् । ११ फागुन रिलिज मिति तोकेको चलचित्रको केही पहिले सार्वजनिक गीत ‘घिन घिन मादल’ दर्शकले रुचाएका छन् । अञ्जु पन्त र डेविड शंकरको स्वर रहेको गीत सौगात र जस्मिनको अभिनयले सजिएको छ ।

">