फिल्म ‘रानीमहल’ निर्माण हुने, दुई नयाँ नायक अनुबन्धित
फिल्म ‘रानीमहल’ निर्माण हुने भएको छ । दुई नयाँ नायकलाई अनुबन्धित गर्दै बिहीबार काठमाडौंमा एक कार्यक्रमका बीच फिल्मको शुभ मुहर्त गरिएको छ ।
हिमाल न्यौपानेले निर्देशन गर्ने फिल्मको माघ तेस्रो साताबाट छायांकन सुरु हुँने बताईएको छ । फिल्ममा वर्षा सिवाकोटी, प्रशान्त ताम्राकार, आशिष अधिकारी, साहिल श्रेष्ठ, मानस्वी खरेल, नीर शाह, बिएस राना, केशव भट्टराई, युनिता खत्री, बासु खनाल, शिलु पोखरेल लगायतका कलाकारहरुको अभिनय रहने छ । फिल्मका निर्माता बिमल भुसाल हुन् ।
नायिका वर्षा सिवाकोटीले फिल्मको कथा औधी मन परेका कारण काम गर्न लागेको बताइन् । यस्तै, ‘ऐश्वर्य’ का भिलेन प्रशान्तले ‘रानीमहल’ मा आफ्नो भूमिका खोजे जस्तै रहेको बताएका छन् ।
उनले यो फिल्मका लागि महंगो पारिश्रमिक बुझेको चर्चा छ । डेढ करोड लगानीमा बन्ने ‘रानीमहल’ मा प्रेमसँगै अतिरिक्त मित्रता, पुत्र मोह आदि विषयलाई रोचक शैलीमा प्रस्तुत गरिने निर्माण पक्षको भनाई छ ।
new film rani mahal
