काठमाडौं। राजधानीको गौशालास्थित नेपाल आँखा बैंकमा हालसम्म ७० हजार जनाले आँखा दानका लागि इच्छापत्र जाहेर गरेका छन् । सन् २०१७ मा ८ सय २० वटा आँखाको नानी संकलन गरेको आँखा बैंकले जनाएको छ ।

मृत्युपश्चात आँखाको नानी दान गर्नेको संख्या बढ्दै गएको आँखा बैंकका प्रबन्धक शंखनारायण त्वायनाले बताउनुभयो । यद्यपि चेतना अभावका कारण आँखा दान गर्नेको संख्या सोचेजति नबढेको उहाँको भनाई छ ।

सन् २०१३ मा ६ सय ३७ जनाले आँखा दान गरेकोमा २०१४ मा यो संख्या बढेर ७ सय ९ पुगेको थियो । यस्तै, २०१५ मा ६ सय १ र २०१६ मा ७ सय ११ जनाले आँखा दान गरेको बैंकको तथ्याङ्क छ । आजको कान्तिपुरमा खबर छ ।