एजेन्सी । विश्वमा डब्लूडब्लूई रेस्लिङ कति लोकप्रिय छ त्यो सायदै भनिरहनु पर्ला । केटाकेटीदेखि वृद्धसम्मलाई डब्लूडब्लूई रेस्लिङमाथि रस बसेको छ । डब्लूडब्लूई रेस्लिङ रोमाञ्चक र सनसनीपूर्ण फाइटले मात्र लोकप्रिय छैन, रिङमा प्रतिस्पर्धा गर्ने सुन्दर महिला खेलाडीका कारणले पनि रेस्लिङले प्रसिद्धि कमाइरहेको छ ।

डब्लूडब्लूईमा यतिबेला थुप्रै महिला रेस्लिर छन् जसको खेलसँगै सुन्दरताको पनि निकै तारिफ गरिन्छ । यस्तैमध्येकी एक हुन् अस्ट्रेलियन मूलकी सुपरस्टार महिला रेस्लर विली ।

विली जति सुन्दर छिन् उनको खेल्ने कौशल पनि त्यति नै चित्ताकर्षक छ । अझ विलीको फिजिकल फिटनेस र ग्ल्यामर लुकको चर्चा गर्दा उनी अन्य महिला रेस्लरभन्दा निकै माथि छिन् । विलीको यही सुन्दरताले गर्दा अहिले उनको विश्वभरि लाखौँ फ्यान छन् । जब विली रिङमा उत्रिन्छिन्, उनको स्वागतमा बज्ने तालीको गडगडाहट त्यसै ओइरिएको होइन ।

विली रिङमा उत्रिँदा देखिने सुन्दरता र रिङबाहिर झल्किने अलग सुन्दरताले अहिले विश्वभरि चर्चा पाएको छ । यसरी विली अहिले फगत विली नभई ‘हट विली’को रूपमा विश्वभरि चिनिन पुगेकी छिन् ।