काठमाडौं । रियाल मड्रिड स्पेनिस कोपा डेल रे फुटबल प्रतियोगिताको क्वाटरफाइनलबाटै बाहिरिएको छ ।

उपाधि दावेदार मड्रिड क्वाटरफाइनलबाटै बाहिरिएको हो । गएराति आफ्नै मैदानमा खेलेको रियाल मड्रिडलाई लेगानेजले २–१ ले हरायो । लेगानेजलाई विजयी गराउन हेभियर ईरासो र ग्याब्रिएलले एक–एक गोल गरे ।

रियालका करिम बेन्जमाले एक गोल गरे । पहिलो लेगमा १-० ले विजयी भएको रियाल मड्रिड दोस्रो लेगमा २–१ ले पराजित भएपछि खेल समग्रमा २–२ गोलको बराबरीमा पुग्यो ।

दुई लेगको क्वाटरफाईनल खेलमा रियालले विपक्षी टोलीको मैदानमा एक गोल गरेको थियो भने लेगानेजले रियालको मैदानमा २ गोल गरेको थियो । स्पेनिस कोपा डेल रे फुटबल प्रतियोगिताको अर्को क्वाटरफाइनलमा आलाभेजलाई टाई ब्रेकरमा हराउँदै भ्यालेन्सीया पनि सेमिफाइनलमा पुगेको छ ।