काठमाडौं । इन्डियन प्रिमियर लिग(आइपीएल)मा छनोट भएका युवा क्रिकेटर सन्दीप लामिछानेलाई चिर्चित र उच्चपदस्थ व्यक्तिहरुको बधाईको ओइरो लागिरहेको छ ।

नेपालबाट आईपीएलमा छनोट हुने पहिलो क्रिकेटर बन्न सफल भएका सन्दीपलाई पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहालले पनि बधाई दिएका छन् । सोमबार बिहान सामाजिक संजाल फेसबुकमार्फत दाहालले सन्दीपलाई बधाई दिएका हुन् ।

दाहालले फेसबुकमा लेखेका छन, इण्डियन प्रिमियर लीगमा छनोट हुनुभएकोमा युवा खेलाडी सन्दीप लामिछानेलाई हार्दिक बधाईका साथै खेल जगतमा निरन्तर प्रगति र उज्जवल भविष्यको हार्दिक शुभकामना व्यक्त गर्दछु ।

प्रधानमन्त्री शेरबहादुर देउवा, पूर्वप्रधानमन्त्री बाबुराम भट्टराई लगायतले सन्दीपलाई आइतबार नै बधाई दिएका थिए ।