‘शत्रु गते’ को दोस्रो गीतमा पल र आँचलको यस्तो केमेष्ट्री (फाेटाे/भिडियाे)
प्रविन दाहाल
काठमाडाैं । फिल्म ‘शत्रु गते’ को दोस्रो गीत सार्वजनिक भएको छ । चकलेटी ब्वाई पल शाह र आँचल शर्मा अभिनित फिल्म ‘शत्रु गते’को दोस्रो गीत बुधवार युट्युब मार्फत ईन्टरनेट रिलिज गरिएको ‘पिरतीको बर्को’ले प्रेमभाव बोल्छ । जहाँ पल र आँचललाई निकै रमाइलो गरेको देख्न सकिन्छ ।
कालीप्रसाद बाँस्कोटाको संगीत र स्वर रहेको गीतको शब्द अर्जुन भट्टराईले लेखेका हुन् । गीतका शब्दहरु निकै रमाइला छन् । संगीतकार तथा गायक कालीले यो गीतमा नयाँ टेस्ट दिने प्रयास गरेका छन् । पल र आँचलको केमेष्ट्री सुहाएको छ । भिडियोका कोरियोग्राफर प्रविन सिंहले गरेका छन् ।
फिल्ममा हरिवंश आचार्य, दीपकराज गिरी, दीपाश्री निरौला, प्रियंका कार्की, राजाराम पौडेल, शिवहरी पौडेल, मदनकृष्ण श्रेष्ठ, किरण केसी लगायतका कलाकारको पनि प्रमुख भूमिका छ ।
फिल्ममा हरिवंश आचार्यको कथा, दीपकराज गिरी र प्रदीप भट्टराईको पटकथा, हरिवंश आचार्य र प्रदीप भट्टराईको संवाद छ । चैत ९ गतेबाट प्रदर्शनमा आउने यो फिल्मलाई लिएर अहिले सिंगो फिल्म क्षेत्र र दर्शकमा उत्साह देखिएको छ ।
