एजेन्सी । बलिउड अभिनेत्री दिपका पादुकोण यी दिनहरुमा प्रेमी रणभीर सिंहसँगको इन्गेजमेन्टको खबरले चर्चामा छिन् । हिजो शुक्रबार ३२ पुगेर ३३ वर्ष लागेकी दिपिकाले सन् २००७ मा शाहरुख खानको हिजो शुक्रबार ३२ पुगेर ३३ वर्ष लागेकी दिपिकाले सन् २००७ मा शाहरुख खानको ‘ओम शान्ति ओम’ बाट बलिउडमा डेब्यु गरेकी थिइन् । त्यस फिल्मबाट उदाएकी दिपिकाले ये जवानी है दिवानी, ककटेल, चेन्नाई एक्सप्रेस,रामलीला, ह्याप्पी न्यू इयल, पिकु, तमासा, बाजिरावो मस्तानीलगायतका हिट फिल्महरु दिएकी छिन् । यीवाहेक दिपिकाले अन्य थुप्रै हिट फिल्महरु अस्वीकार गरिन् जसले बक्स अफीसमा राम्रै सफलता पाएका थिए । यी हुन् दिपिकाले अस्वीकार गरेका चर्चित फिल्म ।

१) जिरो — हालै फिल्म ‘जिरो’ को टिजर रिलिज भएको छ जसमा अनुष्का शर्मा र कट्रिना कैफ मुख्य भूमिकामा रहेका छन् । स्रोतले जनाएअनुसार, अनुष्का र कट्रिना भन्दा पनि पहिला फिल्मको अफर दिपिकालाई गरिएको थियो । तर, आफू पद्मावतीको सुटिङमा व्यस्त भएका कारण दिपिकाले उक्त फिल्ममा काम गर्न अस्वीकार गरिन् ।

२) सुल्तान — सलमान खान अभिनित फिल्म सुल्तानले सन् २०१६ मा बक्स अफीसमा धेरै राम्रो कमाई गर्यो । फिल्ममा काम गर्नको लागि पाँचौ पटकसम्म दिपिकालाई अफर गर्दा पनि उनी राजी भइनन् । यस फिल्ममा काम गर्न नमानेकोबारे दिपिकाले अहिलेसम्म रहस्य खोलेकी छैनन् ।

३) जब तक है जान — फिल्म ‘जब तक है जान’ मा कट्रिना कैफ भन्दा पहिला दिपिकालाई मिरा थापरको भूमिका निर्वाह गर्न अफर गरिएको थियो । तर, दिपिकाले उक्त अफर अस्वीकार गरिन् ।

४) बजरंगी भाइजान — अभिनेत्री करिना कपूर भन्दा पहिला दिपिकालाई फिल्म ‘बजरंगी भाइजान’ को लागि अफर गरिएको थियो । तर दिपिकाले त्यस्तो कुनै पनि कारण नदेखाइ उक्त फिल्ममा काम गर्न अस्वीकार गरिन् ।

५) धुम ३ — कट्रिना कैफ भन्दा पहिला दिपिकालाई ‘धुम ३’ मा काम गर्न अफर गरिएको थियो । फिल्ममा आमिरसँग काम गर्ने रहर हुँदा हुँदै पनि दिपिकाले समयको अभावले काम गर्न अस्वीकार गरिन् ।

६) जय हो — सन् २०१४ मा रिलिज भएको फिल्म ‘जय हो’ मा पनि दिपिकाले निर्मातासँग् कुरा नमिलेका कारण फिल्ममा काम गर्न मानिनन् । त्यसकारण सलमानको सिफारिसमा डेजी हिरोइन भइन् ।

७) किक — किकमा पनि ज्याक्लीन भन्दा पहिला दिपिकालाई नै अफर गरिएको थियो । शाहरुख खानसँग फिल्म ‘ह्याप्पी न्यू इयर’ को सुटिङमा व्यस्त भएका कारण उनले फिल्ममा काम गर्न अस्वीकारगरिन् ।

८) प्रेम रतन धन पायो — सलमानको अर्को सफल फिल्म ‘प्रेम रतन धन पायो’ मा पनि सोनम कपूर भन्दा पहिदा दिपिकालाई अफर गरिएको थियो । समय निकाल्न नसक्ने भन्दै दिपिकाले फिल्ममा काम गर्न अस्वीकार गरेकी थिइन् ।

९) रोय — फिल्म ‘ए जवानी है दिवानी’ को सफलता पनि निर्माता निर्देशकले रणबीर र दिपिकालाई फिल्ममा काम गराउन चाहन्थे । तर, कुनै पनि कारण नखुलाई दिपिकाले फिल्ममा काम गर्न अस्वीकार गरिन् । फिल्म सुपर फ्लप भयो ।

१०) फास्ट एण्ड फ्युरियस ७ — बलिउडका खानसँगका फिल्म मात्र होइन, दिपिकालाई हलिउड फिल्म ‘फास्ट एण्ड फ्युरियस ७’ मा काम गर्न अफर गरिएको थियो । तर, त्यतिबेला दिपिका फिल्म ‘रामलीला’ को सुटिङमा व्यस्त भएको कारण उक्त अवसर अस्वीकार गरिन् ।