पोखरा । पोखरा प्रिमियर लिग (पीपीएल) क्रिकेट अन्तर्गतको आइतबारको खेलमा बुटवल ब्लास्टरले पोखरा पल्टनलाई १ सय ५१ रनको चुनौति दिएका छन् । भिम सार्कीको अर्धशतकको मद्दतमा बुटवलले पोखरालाई मध्यम लक्ष्य प्रस्तुत गरेको हो ।

 

 

 
टस जितेर ब्याटिङ गर्ने निर्णय गरेको बुटवलले निर्धारित २० ओभरमा ७ विकेट गुमाउदै १ सय ५० बनायो । बुटवलका भिमले ४६ बलमा दुई चौका र तीन छक्काको मद्दतमा ५४ रन जोडे । 

 

 

त्यस्तै, कप्तान सोमपाल कामीले ८ बलमा बिस्फोटक ब्याटिङ गर्दै दुई चौका र एक छक्काको मद्दतमा २२ रन जोडे । रोहन मुस्तफाले ४५ रन जोडे । उनले ३५ बल खेल्दै तीन चौका र दुई छक्काको मद्दतमा ४५ रन जोडेका हुन् । 

 

 

सिद्धान्त लोहनीले १३ जोडे । पोखराका लागि मोहमद नाभिदले दुई विकेट लिदाँ, महबुब आलम, ललित राजवंशी, शरद भेषवाकरले समान एक एक विकेट लिए । 

पोखरा प्रिमियर लिग