काठमाडौं । कञ्चनपुरकी १३ वर्षीया निर्मला पन्तको बलात्कार पछि भएको हत्याको विरोधमा शनिबार राजधानीको मण्डला हुँदै बानेश्वरमा भएको प्रदर्शनमा नायिका रेखा थापाले पनि सहभागिता जनाएकी छन् । नायिका थापाले सडकमा एउटै विषयलाई लिएर बारम्बार शान्तिपूण आन्दोलन गरिनु सबैलाई लाजमर्दो अवस्था भएको बताइन् । 

 

उनले थपिन्, ‘हामी जस्तै महिलाहरूलाई हामीले नै प्रतिनीधि बनाएर पठाएका छौं । उहाँहरूले के खिचडी पकाइरहनु भएको छ ? प्रतिनीधि भएर बस्नु भएको तर पनि तराई देखि हिमालसम्मका सबै महिलाहरूले शिर झुकाएर बस्नुपर्ने अवस्था छ भने ती महिला प्रतिनीधिहरू हामीलाई किन चाहियो र ? 

 

आधुनिक युगमा पनि अपराधीलाई पत्ता लगाउन नसकेको सरकारलाई उनले प्रश्न गरिन्, ‘एउटा अपराधिलाई लुकाएर सरकारले के साख जोगाउन खोजेको ?’ 

---

उनले भनिन्, ‘हामीले बोल्ने प्रस्ट भाषा यदि सरकारले बुझ्दैन भने अब हामी कुन भाषा बोल्ने ? निर्मला जस्ता कयौं चेलीहरूले यसरी ज्यान गुमाउनु परेको छ । निर्मालाले अब पनि न्याय पाउदैन भने अबको चार वर्ष पछि हामीहरू पनि जिवीत हुन्छौ की हुँदैनौ यो पनि हामीलाई सरकारले भनदिनु पर्यो । हामीले भोट दिएर जीतेको सरकारले यो कस्तो प्रकारको सत्ता चलाइरहेको छ ?

 

सरकारलाई प्रश्न गर्दै, ‘सरकार किन यस्तो लाचार भएको ? हामी जनताको न्याय ठूलो की अपराधीलाई लुकाउनु ठूलो ? सरकार एउटा अभिभावक हो रे ? भने पनि अभिभावकसँग यसरी सडकमा ओर्लिएर न्यायको लागि भीक माग्नु पर्ने अवस्था सृजना भएको छ ?' 

 

'अब यसको लागि लाखौंको महिलाको संख्यामा टुडिखेलमा ओर्लिएर दवाब दिनु पर्यो र ? महिलाको शक्ति बारे सरकारलाई थाहा छैन् होला । महिलाकै मत लिएर महिलामाथि अन्याय गरिरहन कति को जायज छ ? मैले सुनेको थिए बानेश्वरको भवनमा खसिको टाउको राखेर कुकुरको मासु बेचिन्छ भन्ने कुरा सायद यस्तै हो कि लाग्न थालिसक्यो ।'
 

कञ्चनपुर १३ वर्षीया निर्मला पन्त रेखा थापा