काठमाडौं । विजुलीको पोलले थिचेर कलाकार संघका अध्यक्ष रामकेशर बोगटीको मृत्यु भएको छ । टिकाथली स्थित आफ्नो घर नजिकै मंगलबार बिहान रुख काटेको हेर्ने क्रममा विजुलीको पोलले थिचेर उनको निधन भएको हो ।

 

 

उपचारका लागि बीएन्डबी अस्पतालमा ल्याउँदै गर्दा बाटोमै बोगटीको निधन भएको चलचित्र निर्देशक बसन्त निरौलाले जानकारी दिए । बोगटीको पाटन अस्पतालमा पोष्टमार्टम गरिएको छ ।

 

यसरी भयो संघका अध्यक्ष बोगटीको निधन 

बोगटी घर नजिकै रुख काटेको हेर्न गाडी रोकेर बाहिर निस्किएका थिए । विपरित दिशातर्फ रुख ढल्दा छेउमै रहेको ट्रान्समिटर सहितको विजुलीको पोलमा रुख ढल्यो ।

 

 

रुखलाई विजुलीको पोलले धान्न नसकेपछि उक्त पोल पनि ढलेको थियो । ढलेको पोल र ट्रान्समिटरले उनको टाउको र पेटमा थिचेको थियो । 

रामकेशर बोगटी कलाकार संघ