रणवीर ‘सि प्लेन’ मा जन्ती जाने, ‘जेम्स बोन्ड’ को फिल्म सुटिङ भएको ठाउँमा विवाह हुँदै
एजेन्सी । बलिउड अभिनेता रणवीर सिंह र अभिनेत्री दीपिका पादुकोण विवाहको लागि इटाली पुगिसकेका छन् । इटालीस्थित लेक कोमोमा उनीहरूको विवाह हुँदै छ जहाँ जेम्स बोन्ड अभिनित फिल्म ‘क्यासिनो रोयल’ को सुटिङ भएको थियो । भारतीय सञ्चारमाध्यमले जनाएअनुसार, रणवीर सि प्लेनमा बारात लिएर जानेछन् । त्यस १४ ‘सिटर’ प्लेनमा उनका परिवारजन र साथी हुनेछन् ।
१४ नोभेम्बरमा दीपका र रणवीरको कोंकणी रीतिरिवाजमा विवाह हुनेछ । यसका साथै उनीहरूको सिन्धी रीतिरिवाजमा पनि विवाह हुनेछ । जहाँ सिन्धी रीतिरिवाजमा विवाह हुन्छ उक्त ठाउँमा हलिउड फिल्म स्टार वार्स ः एपिसोड २ मा भएको एक विवाहको दृश्य खिचिएको थियो ।
विवाहमा सहभागी हुने पाहुनाको लागि रणवीरले दुईवटा ‘लग्जरी यार्ट’ बुक गरिसकेका छन् । विवाहको लागि वेडिङ केक बनाउन स्विट्जरल्यान्डबाट सेफ बोलाइएको छ । विवाहमा नजिकका साथीभाइ र पारिवारको उपस्थिती हुुनेछ । २१ नेभेम्बरमा बेंगलरूमा र २८ नोभेम्बरमा मुम्बईमा रिसेप्सन हुनेछ ।
रणवीर सिंह
