दिनहुँ बुहारी कुटेकाे अाराेप छ यि कांग्रेस नेतृमाथि
काठमाडाै । बुहारीमाथि निरन्तर कुटपिटको आरोपमा प्रहरीले एक महिलालाई पक्राउ गरेको छ । मोरङ रतुवामाई नगरपालिका घर भएकी होमा घिमिरले आफ्नै बुहारी (भाईकी श्रीमती)लाई निरन्तर कुटपिट गर्दै आएको आरोप लगाउँदै स्थानीयले प्रहरीमा मौखिक उजुरी दिएका थिए । उजुरीका आधारमा घिमिरेलाई पक्राउ गरेर अनुसन्धान अघि बढाइएको मोरङ प्रहरीले जनाएको छ ।
घिमिरेले आफ्नी बुहारीलाई दैनिकजसो गाली गर्ने तथा कुटपिट गर्ने गर्दै आएकी थिइन् । श्रीमान विदेशमा रहेको र सासु ससुरासँग विराटनगर १ मा बसोबास गर्दै आएकी बुहारीलाई घरमै गएर कुटपिट तथा गाली गर्ने गरेको स्थानीयले बताए । भाईसँग डिभोर्स गर्नुपर्ने भन्दै उनले विगत दुई वर्षदेखि निरन्तर बुहारीलाई पीडा दिँदै आएको बुझिएको छ ।
तरुण दलको केन्द्रिय सदस्यमा पराजित भएकी घिमिरेले नेपाली कांग्रेसको राजनीति गर्दै आएकी छन् । मोरङको रतुवामाई नगरपालिका घर भएकी होमाले माइत आउँदा बुहारीलाई पटकपटक कुट्ने गरेकी थिइन् । नेपाली कांग्रेसका नेता मिनेन्द्र रिजालसँग निकट सम्बन्ध रहेको बताउने होमाले आफू पैसाले जुनसुकै समाज किन्न सक्ने भएका कारण कसैले केही गर्न नसक्ने बताउँदै आएको स्थानीयले बताएका छन् ।
