काठमाडौं । पोखरा प्रिमियर लिग (पीपीएल) क्रिकेटमा एक्सपर्ट धनगढी ब्लुजले बुटवल ब्लास्टर्सलाई १६२ रनको चुनौति दिएको छ । टस जितेर धनगढीले निर्धारित २० ओभरमा ४ विकेटको क्षतीमा १६१ रन बनायो । कप्तान दीपेन्द्रसिंह ऐरीले अविजित ५६ रन बनाए ।

 

 

अर्का अविजित व्याट्सम्यान सौरभ खनालले ४ बलमा १३ रन बनाए। टोलीका विदेशी खेलाडी ड्यानियल लरेन्सले ३९ बलमा ५२ जोडे। उनले ७ चौका र २ छक्का प्रहार गरेका थिए। ओपनरद्वय दीलिप नाथ र सुवेन्दु पाण्डे समान १० रनमा आउट भएका थिए।

 

 

पिटर ट्रेगोले ८ बलमा १४ बनाए। बुटवलका विपिन खत्रीले २ तथा रोहन मुस्तफा र अविनाश बोहाराले १र१ विकेट लिए। नमस्ते पोखरा प्रिमियर लिग अन्तर्गत बिहीबारको दोस्रो खेल बुटवल ब्लास्टर्स र एक्सपर्ट धनगढी ब्लुजबीच भइरहेको छ।

 

 

एक्सपर्ट धनगढीले टस जितेर पहिला व्याटिङ गर्ने निर्णय गरेको छ। बुटवलले ३ खेल खेल्दै २ खेलमा जित हात पारेको छ भने १ खेलमा हार व्यहोरेको छ।

 

 

२ खेलमा जित हातपारेको बुटवल अंक तालिकाको शीर्षस्थानमा रहेको छ। धनगढीले ३ खेलमा २ मा हार व्यहोरेको छ भने १ खेलमा जित दर्ता गरेको छ।

पोखरा प्रिमियर लिग