‘ठग्स अफ हिन्दूस्तान’ नचलेपछि विजय कृष्ण आचार्यको हातबाट गयो ‘धूम ४’
एजेन्सी । बलिउड निर्देशक विजय कृष्ण आचार्य निर्देशित फिल्म ‘ठग्स अफ हिन्दूस्तान’ नराम्ररी असफल भएपछि यशराज ब्यानरको हिट फ्रेनचाइज ‘धूम ४’ मा काम नगर्ने भएका छन् । स्रोतले जनाएअनुसार ‘ठग्स अफ हिन्दूस्तान’ को असफलता यशराज फिल्म्सको लागि ठूलो झट्का साबित भएको छ ।
फिल्मको कमजोर कलेक्सनदेखि पूरा ‘इन्डस्ट्रि’ हैरान भएको छ । खराब ‘माउथ पब्लिसिटि’ को कारण हरेक दिन कलेक्सनमा गिरावट आइरहेको छ ।
यस असफलताको कारण फिल्मका निर्देशक विजय कृष्ण आचार्यमाथि नकारात्मक टिप्पणी आइरहेका छन् । जरकारण उनी धूम सिरिजको अर्को फिल्म निर्देशन नगर्ने भएका छन् । यशराज फिल्म्सले उनको साटो अरू कोही निर्देशकलाई ल्याउने निर्णय गरेको छ । ठग्सको असफलतापछि यशराज फिल्म्सले विजयसँग भएको अन्य तीन फिल्मको कन्ट्राक्ट पनि क्यान्सिल गरेको छ ।
