खलंगा । दार्चुला सदरमुकाम खलंगाबाट आइरहेको म १ ख ४३६ नम्बरको बस दुर्घटना भएको छ । 

 

 

गएराती मालिकार्जुन मन्दिरको जात्रामा गएका भक्तजनहरुलार्इ ल्याएर आइरहेको बस शुक्रबार बिहान पौने पाँच बजे दुर्घटना भएको हो । 

 

 

दुर्घटनामा परी १७ जना घाइते भएको जिल्ला प्रहरी कार्यालय दार्चुलाले जनाएको छ । अहिलेसम्म उद्धार गरिएका १६ जना घाइतेलाई उपचारको लागि गोकुलेश्वर अस्पताल पठाइएको डिएसपी नवराज अधिकारीले बताए । 

 

 

बस सडकबाट तीन सय मिटर तल खसेको छ । बसमा कति जना सवार थिए भन्ने एकिन भएको छैन् । घटनास्थलमा नेपाल प्रहरी, सशस्त्र प्रहरी,नेपाली सेना र स्थानीयले उद्धार गरिररहेका छन् ।  

 

 

बिहीबार राती मालिकार्जुन मन्दिरमा ठूलो जात्रा लागेको थियो । जात्रा सकाएर दार्चुला सदरमुकाम आउने क्रममा बस दुर्घटना भएको हो । घटनाकाे पूर्ण विवरण आउन सकेको छैन् ।

 

बस दुर्घटना दार्चुला