काभानीको गोलमा पिएसजी विजयी
काठमाडौं । फ्रन्च लिग अन्र्तगत साविक विजेत पेरिस सेन्ट जर्मन (पीएसजी) ले मध्यक्रममा रहेको टोउलुसेलाई पराजित गरेको छ । शनिबार राती भएको खेलमा पीएसजीले टोउलुसेलाई १–० गोलले हराएको हो ।
पीएसजी टोउलुसे विरुद्धको खेलमा आफना स्टार खेलाडी नेमार र केलियन एमाबाप्प बिना ने मैदान उत्रिएको थियो । नेमार र एमबाप्पे घाइते भएका कारण खेलेनन् ।
पीएसजीको घरेलु मैदानमा नेमार र एमबाप्पे बिना उत्रिएको पिएसजीका लागि एडिन्सन काभानीले निर्णायक गोल गरे । घरेलु मैदानमा भएको खेलमा काभानीले नवौं मिनेटमा गोल गरेका थिए । काभानीको गोल नै पीएसजीका जितका लागि पर्याप्त बन्यो ।
लिगका यो पीएसजीको लगातार १४औं जित हो । जितसँगै पीएसजीले १४ खेलबाट ४२ अंक बनाएको छ ।
पीएसजी दोस्रो स्थानमा रहेको लियोनभन्दा १५ अंकले अगाडी छ । पीएसजीसँग हारेको टोउलुसे १४ अंकका सात तालिकाको १५औं स्थानमा छ ।