काठमाडौं । शहीद स्मारक ए डिभिजन लिग अन्र्तगत सोमबार भएको खेलमा थ्रीस्टार क्लबले न्यूरोड टिम एनआरटीलाई पराजित गरेको छ । सातदोबाटोस्थित एन्फा मैदानमा भएको खेलमा थ्रीस्टारले एनआरटीलाई तीन शुन्य गोल अन्तरले हराएको छ । 

 

 

पहिलो हाफ गोलरहित बनेको खेलको ७५ औं मिनेटमा थ्रीस्टारले पेनाल्टी पायो । एनआरटीको गोलकिपरले फल गर्दा पाएको पेनाल्टीलाई थ्रीस्टारका रञ्जित धिमालले गोल गरे । पहिलो प्रहार रिबाउन्ड भएपछि रञ्जितले गोल गरे । अर्को गोल भने थ्रीस्टारले इन्जुरी समयको पहिलो मिनेटमा ग¥यो ।  उसका लागि मार्टिन्सले गोल गरे ।

 

 

यता हलचोकमा भएको खेलमा च्यासल युथ क्लब नेपाल पुलिससँग दुई–शून्यले पराजित भयो । आर्मीसँग पराजित भएको पुलिसले च्यासलविरुद्ध भने राम्रो फुटबल खेल्यो ।

 

 

पुलिसले खेलको ४० औं मिनेटमा रवि पासवानको गोलमार्फत अग्रता लियो । खेलको ८९ औं मिनेटमा पुलिसका लागि भरत साहले दोस्रो गोल गरे । 
जितपछि थ्रीस्टारको चार खेलबाट नौ अंक भएको छ भने पुलिसको सात अंक भएको छ ।

तस्विरः एन्फा