एजेन्सी । इंग्लिस प्रिमियर लिग अन्तर्गत आइतबार भएको खेलमा पनि आर्सनलले विजयी भएको छ ।

 

उसले बोर्नमाउथलाई २–१ पराजित गर्दै विजयी भएको हो । आर्सनलले आइतबारको जितसँगै आफ्नो विजयी यात्रा कायम राखेको छ ।

अवे मैदानमा भएको खेलमा आर्सनलले एक गोल गर्‍यो भने एक गोल उपहारमा पायो । बोर्नमाउथका लागि किङ्गले गोल गरे ।

 

३० औं मिनेटमा बोर्नमाउथका लेमारले आत्मघाती गोल गरेपछि आर्सनलले अग्रता लियो ।

 

पहिलो हाफको इन्जुरी समयमा किङ्गले बोर्नमाउथका लागि गोल गरे । ६७ औं मिनेटमा पिएर एमरिकले गोल गरेपछि आर्सनल विजयी भयो ।

 

जितपछि पाँचौँ स्थानको आर्सनलको १३ खेलबाट २७ अंक भएको छ । आर्सनल सबै प्रतियोगितामा गरेर १७ खेलमा अपराजित छ । अर्को खेलमा हडर्ल्सफिल्डले वुल्भ्सलाई २–० ले हरायो ।

इंग्लिस प्रिमियर लिग आर्सनल