काठमाडौं । दैलेखमा जीप दुर्घटना हुँदा दुई जनाको ज्यान गएको छ । ५ जना घाइते भएका छन् । सुर्खेतबाट दैलेखको ठाटीकाँध गाउँपालिका–३ बहाँकोट बिसलाका लागि छुटेको भे १ च २२०७ नम्बरको बोलेरो जीप दैलेखको ठाटीकाँध गाउँपालिकामा जीप दुर्घटना भएको हो । 

 

 

प्रहरीको अनुसार दुर्घटनामा ठाटीकाँध गाउँपालिकाका ४७ वर्षीय राजेन्द्रबहादुर शाही र ३० वर्षीय निर्मल बमको ज्यान गएको हो । स्थनीयका अनुसार जीपको ब्रेक फेल भएर दुर्घटना भएको हो । घाइतेहरुलाई उपचारका लागि सुर्खेत पठाइएको छ ।