दैलेख जीप दुर्घटनामा चार जनाको मृत्यु
काठमाडौं । दैलेखमा बुधबार बिहान जीप दुर्घटना हुँदा चार जनाको मृत्यु भएको छ । चार जना घाइते भएका छन् ।
सुर्खेतबाट दैलेखको ठाँटिकाँध जाँदै गरेको लु२च २२०७ नम्बरको जीप ठाँटिकाँध गाउँपालिका ३ डांग्रे भन्ने स्थानमा दुर्घटना भएको हो ।
दुर्घटनामा ठाटीकाँध गाउँपालिका(१ का ३० वर्षीय निर्मल बम, वडा नम्बर(२ का जीप चालक रमेश शाही, वडा नम्बर(४ की रत्ना शाही र राजेन्द्रबहादुर शाहीको मृत्यु भएको दैलेख प्रहरीले जानकारी दिएको छ ।
प्रहरीका अनुसार राजेन्द्रबहादुर शाही र निर्मल बमको दुर्घटनास्थलमै ज्यान गएको हो भने रमेश शाही र रत्ना शाहीको भने उपचारका लागि सुर्खेत लैजाने क्रममा बाटोमा ज्यान गएको हो ।
यस्तै दुर्घटनामा घाइते भएका चारै जनाको अवस्था गम्भीर छ । उनीहरुलाई उपचारका लागि सुर्खेत पठाइएको छ ।
जीप कच्ची सडकबाट करिब २ सय मिटर तल भीरमा खसेको छ । दुर्घटनाको कारण भने खुलेको छैन ।
तस्विरः बम भण्डारीको फेसबूकबाट
