एजेन्सी । बलिउड अभिनेत्री प्रियंका चोपडा र हलिउड गायक निक जोनसको विवाहको तयारी सुरू भएको छ । निकसँगै उनका परिवार पनि मुम्बई पुगिसकेका छन् । राजस्थानमा हुने विवाहको समारोह २९ नोभेम्बरदेखि ३ डिसेम्बरसम्म हुनेछ । २ डिसेम्बरमा हिन्दु रितिरिवाज र ३ डिसेम्बरमा क्रिश्चियन तरिकाले विवाह हुनेछ । 

 

विवाहको लागि जोधपुरस्थित ताज उम्मेद भवन प्यालेस ४ कारेड रुपैयाँमा बुक गरिएको छ । उक्त प्यालेस ५ दिनको लागि बुक गरिएको हो । उम्मेद भवनमा ६४ वटा कोठा छन् । जसमा एउटा रूमकै ४७,३०० रुपैयाँ पर्र्न जान्छ । प्रियंका र निक एक दिनको लागि ६४ लाख रूपैयाँ खर्च गर्दै छन् । कोठाको लागि मात्रै ५ दिनको हिसाब गर्दा ३.२ करोड रूपैयाँ खर्च हुन पुग्छ । अन्य खर्च पनि जोड्दा करिब ४ करोड खर्च हुन जाने भारतीय सञ्चारमाध्यमले जनाएको छ ।