एजेन्सी । मिटु अभियान शुरु भएपछि बलिउडका धेरै नामी कलाकारहरुको नाम यो प्रकरणमा जोडिएको छ । 

 

यो मामिलामा बलिउड अभिनेत्री ज्याकलिन फार्नान्डीजले भनिन्,‘यो अभियान चलेपछि मलाई खुसी लागेको छ र केही सन्दर्भमा स्तब्ध पनि भएकी छु ।’
विवादमा परेका केही पात्रहरुबारे आफूले कहिले पनि त्यस्तो नसोचेको उनको भनाइ छ । उनीहरुले महिलाहरुविरुद्ध त्यस्तो कर्म गरेको होला भन्ने आफूले कल्पना पनि नगरेको ज्याकलिन् बताउँछिन् । 

उनले भनिन्, ‘यो मामिलाका विवादास्पद पात्रहरु सजायका हकदार छन् । यो सिस्टम नै बदलिनु जरुरी छ । त्यसो भयो भने महिलाहरुका लागि वलिउड सुरक्षित कर्मक्षेत्र बन्ने छ ।’