काठमाडौंमा चिसो बढ्यो, तापक्रम ७ डिग्री सेल्सियसमा झर्यो
काठमाडौं । उपत्यकामा मंगलबार यो वर्षको कम तपाक्रम मापन गरिएको छ । यहाँको बिहानको तापक्रम ७ डिग्री सेल्सियसमा झरेको मौसमविद् वरुण पौडेलले जानकारी दिए ।
जल तथा मौसम पूर्वानुमान महाशाखाका अनुसार काठमाडौंको तापक्रम सोमबार ८ डिग्री सेल्सियस मापन गरिएको थियो । मंगलबार तापक्रम १ डिग्री घटेको हो ।
मौसम सफा भएकाले यो वर्ष विगका वर्षभन्दा छिटो देशभरी कै न्यूनतम तापक्रम घटेको मांसमविद् पौडलले बताए ।
उनका अनुसार राति मौसम सफा हुँदा जमीन चिसो हुने भएकाले तापक्रम घट्ने गरेको छ । अहिले तत्काल पानी पर्ने संभावना नरहेको पनि मौसमविद् पौडेलले जानकारी दिए ।
मंगलबार पूर्वी पहाडी क्षेत्रको मौसम दिउँसोपछि आशिंक बदली भए पनि अरु ठाउँको मौसम सफा हुने उनको अनुमान छ ।
तापक्रम काठमाडौं
