गायक हरि दत्त फुलाराको नयाँ ‘क्लासिकल’ गीत सार्वजनिक (भिडियोसहित)
काठमाडौं । विगतका गीतबाट स्रोता-दर्शकको राम्रो साथले हौसिएका गायक हरि दत्त फुलाराले फेरि नयाँ गीत बजारमा ल्याएका छन् ।
उनले नयाँ ‘क्लासिकल’ गीत ‘सँगैसँगै हिँडेपनि नजिकिन सक्दिन म..’ बजारमा ल्याएका हुन् ।
यो गीतमा गायक फुलारासँगै चर्चित गायिका संगिताराना प्रधानले स्वरमा साथ दिएकी छन् ।
गीतमा संगीत स्वयम् गायक फुलाराकै छ । भने, संगित एरेन्ज हरि लम्सालले गरेका छन् । यस्तै, गीतमा शब्द सुवास चन्द्र ढुगेंलको रहेको छ ।
गायक फुलाराका यसअघि ‘हसायो मायाँले’, ‘सम्झनामा डुबायर’, ‘मैले मन पराएँ’, ‘गीत तिमि संगित तिमी’, ‘मेरो देश’, ‘नक्कली’ बोलका गीत बजारमा आइसकेका छन् । र, स्रोतादर्शकले राम्रो रुचाएका छन् ।
झण्डै डेढ दशकदेखि नेपाली सङ्गीतमा लागि पर्दै आएका गायक फुलारा पछिल्लो समय अलग्गै पहिचान बनाउँदै गएका छन् ।
भारत, काँशी हिन्दु विश्व विद्यालयबाट शास्त्रीय संगीत अन्तर्गत गायन बिधामा माष्टर डिग्री गरेका गायक फुलारा पश्चिम नेपाल धनगढीका स्थानीय वासिन्दा हन् ।
उनले त्यहाँको सैनिक आवासिय महाविद्यालयमा दुई वर्ष संगीत प्रशिक्षकको रुपमा काम गरेपश्चात २०७१ सालबाट काठमाडौंलाई कर्मथलो बनाएर गीत, संगीतको क्षेत्रमा क्रियायाशिल रहँदै आएका छन्।
गायक हरि दत्त फुलारा
