एजेन्सी । मोहमद सलाहले अफ्रिकन बर्ष फुटबलरको अवार्ड जितेका छन् । बेलायती समाचार संस्था बीबीसीले हरेक बर्ष प्रदान गर्ने यस अवार्ड सलाहले लगातार दोस्रो पटक जितेका हुन् ।

 

लिभरपुलका स्ट्राइकर सलाहले सन् २०१८ को उत्कृष्ट अफ्रिकन बर्ष फुटबलर बन्ने क्रममा सेनेगल एवं लिभरपुलकै साडियो माने, मोरक्को एवं युभेन्ट्सका मेधी बेनेटीया, सेनेगल एवं मोनाकोका कालिडोउ कोलीवाली र घाना एवं एट्लेटिको म्याड्रिडका थोमस पार्टीलाई पछि पारेका थिए ।

 

सलाहले अवार्डका लागि मनोनयनका परेका खेलाडीले भन्दा बढी मत पाएका थिए । युरोपमा ब्यवसायिक फुटबल खेल्ने अफ्रिकाका खेलाडीलाई प्रदान गरिने यस अवार्डका लागि बीबीसीले सर्मथकको भोटलाई आधार मन्ने गरेकको छ ।

 

२६ बर्षीय सलाहको उत्कृष्ट प्रदर्शनमा लिभरपुल अघिल्लो सिजन च्याम्पियन्स लिगको फाइनलमा पुगेको थियो ।

 

अघिल्लो सिजन सलाहले लिभरपुलमा खेलेका ५२ खेलमा ४४ गोल गरेका थिए । बीबीसीले सन् २००१ देखि बर्षेनी यो अवार्ड प्रदान गर्दै आएको छ ।

मोहमद सलाह अफ्रिकी खेलाडी अवार्ड