लियोन मेसीको ह्याट्रिकको साहयता स्पेनीस ला लिगामा बार्सिलोनाले लेभान्टेलाई ५–० गोल अन्तरले हराएको छ ।

पहिलो हाफमा २ गोलले अगाडि रहेको बार्सिलोनाले दोस्रो हाफमा तीन गोल थप्न सफल भएको हो । जसमा ४७ औं मिनेटमा मेस्सीले व्यक्तिगत दोस्रो तथा टिमका लागि तेस्रो गोल गरे भने ६० औं मिनेटमा अर्टुरो भिडालको पासमा मेस्सीले ह्याट्रिक पूरा गर्दा टिमलाई चार शून्यको अग्रता दिलाए। मेस्सीको ला लिगामा यो ३१औं ह्याट्रिक थियो ।

खेलको ८८ औं मिनेटमा जेरार्ड पिकेले गोल गर्दा बार्सिलोना ५–० ले विजयी भयो । जितपछि बार्सिलोनाले दोस्रो स्थानमा रहेको सेभियासँगको दूरी तीन अंकमा कायम राखेको छ। बार्सिलोनाको ३४ र सेभियाको ३१ अंक छ ।