मिस युनिभर्स २०१८ को ताज फिलिपिन्सकी क्याट्रिओना ग्रेले पहिरिएकी छन । थाइल्याण्डको बैंककमा सोमबार बिहान सम्पन्न फाइनल प्रतिस्पर्धामा दक्षिण अफ्रिकाकी सुन्दरी तमारिन ग्रिनलाई पछि पर्दै फिलिपिन्सकी २४ वर्षीया क्याट्रिओनाले मिस युनिभर्सको ताज पहिरिएकी हुन् ।

 

दक्षिण अफ्रिकाकी सुन्दरी ग्रिन फस्ट रनरअप भइन भने सेकेन्ड रनरअप भेनेजुयलाकी स्थेफानी गुइटेरेज भइन् । फिलिपिन्सले मिस युनिभर्सको ताज योसहित चौथोपटक जितेको छ। यसअघि फिलिपिन्सले सन् २०१५, १९७३ र १९६९ मा पनि फिलिपिन्सले मिस युनिभर्सको ताज आफ्नो पोल्टोमा पारिसकेको छ।

 

नेपालबाट सहभागी मनिता देवकोटा टप टेनबाट बाहिरिएकी थिइन् । अन्तिम प्रतिस्पर्धामा देवकोटा यसअघि एसिया तथा अफ्रिका क्षेत्रका उत्कृष्ट पाँच प्रतिस्पर्धीमा पर्न सफल भएकी थिइन् । यसअघि विश्व सुन्दरी प्रतियोगितामा भाग लिएकी श्रृंखला खतिवडा पनि टप १२ सम्म पुगेर बाहिरिएकी थिइन् ।

Miss Universe