काठमाडौं ।  सल्यानबाट दाङको तुलसीपुर आउँदै गरेको बस दुर्घटना हुँदा ९  जनाको मृत्यु भएको बताइएको छ।  मृत्यु हुनेमा एक महिला र आठ पुरुष रहेको बताइएको छ। 

सल्लानबाट आएको बा४ख ९७६६ नम्बरको बस दुर्घटना भएको इलाका प्रहरी कार्यालय तुलसीपुरले जनाएको छ। 

बसमा २१ पुरुष र नौ महिलासहित ३० जना रहेको बताइएको छ ।

शैक्षिक भ्रमणका लागि सल्यानको मूलपानीमा गएको बस फर्कने क्रममा दुर्घटना भएको प्रहरीको भनाई छ ।

कृष्णसेन इच्छुक स्मृति बहुप्राविधिक शिक्षालयका शिक्षक तथा विद्यार्थी बोकेको बस दुर्घटना भएको हो। 

सडकबाट बस ७०० मिटर तल झरेको थियो। मृतकको संख्या अझै बढ्न सक्ने प्रहरीले जनाएको छ।