एजेन्सी । शाहरूख खान अभिनित यो वर्षको बलिउडको बहुप्रतिक्षित फिल्म ‘जिरो’ ले एकदिनमा २० करोडको ग्रस कलेक्सन गर्न सफल भएको छ । फिल्म रिलिज अघि  भने पहिलो दिन ३० करोड कमाई गर्ने अनुमान गरिएको थियो । 

 

फिल्ममा शाहरूख, अनुष्का, कट्रिना र सलमानसँगै ५० जना बलिउड स्टार्सको केमियो रहेको छ । फिल्ममा स्वर्गीय अभिनेत्री श्रीदेवीलाई अन्तिम पटक देखाइएको छ । 

 

ट्रेड एनालिस्ट तरूण आदर्शले ट्वीट गर्दै जिरोको पहिलो दिनको कलेक्सन सेयर गरेका छन् । जसमा उनले लेखेका छन् कि, चारहजार भन्दा बढी स्क्रिनमा एकसाथ रिलिज भएको फिल्मले पहिलो दिन बीस करोड बढीको व्यापार गरेको छ । 

 

आनन्द एल रायको निर्देशनमा बनेको जिरोको बजेट दुुई सय करोड रुपैयाँ हो । डिसेम्बर २१ मा रिलिज भएको विश्वभर कुल ५९६५ स्क्रिनमा एकसाथ रिलिज गरिएको थियो ।