काठमाडौं । शहिद स्मारक ए डिभिजन लिग अन्र्तगत आइतबारको खेल जितेसँगै लिग लिडर मनाङ मर्स्याङ्दी क्लब उपाधि नजिक पुग्न सफल भएको छ । यदि उसले बिहीबार हुने खेलमा संकटालाई हराए दुई खेल अगावै उपाधि पक्का गर्ने छ । 

लगातार १०औं जित हात पार्ने क्रममा मनाङले आइतबार विभागीय टोली पुलिसलाई १–० गोलले हराएको हो ।ललितपुरको सातदोबोटोस्थित एन्फा कम्प्लेक्सको खेल मैदानमा भएको खेलमा मनाङका लागि विदेशी खेलाडी अडेलजा सोमिडेले निर्णायक गोल गरे । बिना कुनै गोल सकिएको पहिलो हाफको खेलमा 
पहिलो हाफको खेल भने बिना कुनै गोल सकिएको थियो भने दास्रो हाफको खेलमा भने मनाङ गोल गर्न सफल भयो ।

 

मनाङका लागि खेलको ५२ औं मिनेटमा सोमिडेले गोल गरे , उक्त गोल नै खेलको निर्णयक गोल बन्न पुग्यो । पुुलिस खेलमा फर्किने कोशिस गरे पनि गोल गर्न नसक्दा हार व्यर्होन पुग्यो । 

लिगका १० खेलमा शतप्रतिशत जित हात पारेको मनाङ ३० अंक सहित तालिकाको शीर्ष स्थानमा छ । 
 दोस्रो स्थानमा रहेको संकटा क्लबभन्दा पनि पाँच अंकले मनाङ अघि रहेको छ । त्यसकारण पनि मनाङको उपाधि जित्ने सम्भावना प्रवल रहेको हो ।

लिगको दोस्रो स्थानमा रहेको संकटाको १० खेलबाट २५ अंक रहंदा लिगको तेस्रो स्थानमा रहेको थ्रीस्टारको २३ अंक रहेको छ ।