बार्सिलोना र एथ्लेटिको मड्रिड विजयी
काठमाडौं । स्पेनिस ला लिगा फुटबलअन्तर्गत शनिबार राति भएको खेलमा बार्सिलोना विजयी भएको छ । बार्सिलोनाले सेल्टाभिगोलाई २-० ले हराएको हो ।
बार्सिलोनाको जितमा मेस्सी र डेम्बेलेले गोल गरे । खेलको १० औं मिनेटमा अग्रता लिएको बार्सिलोनाको लागि डेम्बेलेले गोल गरे ।
मेस्सीले ४५ औं मिनेटमा अर्को गोल थपे । दोस्रो हाफमा दुवै तर्फबाट गोल हुन सकेन र साविक बिजेता बार्सिलोनाले २-० ले नतिजा आफ्नो पक्षमा पार्यो ।
जितपछि बार्सिलोना १७ खेलबाट ३७ अंकसहित शीर्ष स्थानमा कायम छ ।
शनिबार राति नै भएका अन्य खेलमा एथ्लेटिको मड्रिडले स्पानियोललाई १-० ले हरायो । रियल बेटिस र एइबर तथा एथ्लेटिको बिल्बाओ र रियल भालाडोलिडबीचको खेल एक-एक गोलको बराबरी भएको छ ।
