यस्ताे अायाे ‘पसिना’को ट्रेलर (भिडियोसहित)
काठमाडौं । नेपाली फिल्म ‘पसिना’ को अफिसियल ट्रेलर सार्वजनिक भएको छ । गौरव पहारी र नायिका अनु शाह स्टारर फिल्म ‘पसिना’ले श्रमिकहरुको पीडा बोल्छ । फिल्मको ट्रेलर रिलिजसँगै प्रदर्शन मिति पनि घोषणा गरिएको छ ।
निर्देशक आर.वि. खत्री ‘शरद’ले ‘पसिना’ मजदुर दिवसको अवसर पारेर वर्ष २०७५ को बैशाख १४ गतेबाट देशव्यापी प्रदर्शनमा आउने जानकारी दिएका छन् ।
फिल्ममा शान्ता ढकाल र इन्जिनियर सञ्जय महत्तोको लगानी रहेको छ । नन स्टप क्रियशनको ब्यानरमा निर्मित ‘पसिना’ का कार्यकारी निर्मातामा रमेश एम.के.पौडेल रहेका छन् ।
फिल्ममा गौरव र अनुका अलावा सरोज खनाल, रबि गिरी, धुव्र कोइराला, जयनन्द लामा, सरोज अर्याल, सृजना अधिकारीको मुख्य भूमिका देख्न सकिन्छ ।
