नामिबियामा जारी आइसीसी वर्ल्ड क्रिकेट लिग डिभिजन–२ को अन्तिम लिग खेलमा नेपालले अाज क्यानडा विरुद्ध खेल्दै छ । 

अन्तिम खेलमा नेपालले टस जित्दै क्यानडालार्इ ब्याटिङकाे निम्ताे दिएकाे छ । नेपालको अगाडिको ढोका खोल्नका लागि लिग चरणको अन्तिम खेलमा क्यानडालाई जित्नैपर्ने हुन्छ ।

बुधबार हुने खेलमा क्यानडालाई हराए नेपाल डिभिजन टु को फाइनलमा मात्रै होइन, विश्वकप छनोटमा पनि प्रवेश गर्नेछ । यदि क्यानडासँग पराजित भए नेपाली क्रिकेट फेरि पछि धकेलिन सक्छ । त्यसैले नेपालसामु क्यानडालाई पराजित गर्दै अघि बढ्ने सुनौलो अवसरको साथै चुनौती पनि छ ।