भारतीय चर्चित हास्य कलाकार तथा स्टेज कार्यक्रम प्रस्तोता कपिल शर्मा अब उस्तै चल्तीफुर्तिका साथ फेरि मनोरञ्जनात्मक कार्यक्रमका साथ देखिने भएका छन् ।

दर्शकलाई भरपूर मनोरञ्जन दिन माहिर शर्माको आगमनको समाचार सर्वत्र छाएपछि उनका फ्यान उनको कार्यक्रम कहिले आउला भनेर व्यग्र प्रतीक्षामा बसेका छन् । चौतर्फी दबाब र दर्शकको चाहनालाई बुझेर उनले आफ्नो बन्द भएको कायक्रमझैं अर्को कार्यक्रम लिएर आउन लागेका हुन् ।

 

यद्यपि कार्यक्रमको नाम भने पहिलेको नरहने उनले बताएका थिए । साथै कार्यक्रमको नाम राख्नेबारे आफूलाई धेरै समय लागेको पनि उनले बताएका थिए ।

सहकर्मी सुनील ग्रोबरसँगको विवादका कारण उनको ‘चर्चित कमेडी नाइट विथ कपिल’ स्टेज कार्यक्रम बन्द भएको थियो । शर्माले इन्स्टाग्राममा एउटा फोटो राखेका छन् । जहाँ केही गिफ्टका सामान भएको ट्रली लिएर गएको जस्तो देखिएको छ । र, त्यसैमा उनको कार्यक्रमको नाम पनि लेखिएको छ । 

 

शर्माले सो पुरानो भन्दा विल्कुल भएको बताएका छन् । साथै उनले यसपटक चन्दन प्रभाकर, किकु शारदा र चक्रवर्ती लिएर ‘फेमिली’ ड्रामा गर्ने बताएका छन् । कार्यक्रम यही मार्चभित्र आइसक्ने पनि उनले बताएका छन् ।

एजेन्सीको सहयोगमा